நடிகை துஷாரா விஜயன் ட்ரெண்டிங் சேலையுடன் வித்தியாசமான கம்மல் அணிந்து தற்போது தனது சமூக வலைத்தள பக்கத்தில் வெளியிட்டுள்ள புகைப்படங்கள் இணையத்தை ஆக்கிரமித்து வருகின்றது.
துஷாரா விஜயன்
2019 ஆம் ஆண்டு “போதை ஏறி புத்தி மாறி” என்ற திரைப்படத்தின் மூலம் தமிழ் சினிமாவில் கால்பதித்தவர் தான் துஷாரா விஜயன்.
அதனை தொடர்ந்து 2021 ஆம் ஆண்டு வெளியான “சார்பட்டா பரம்பரை” திரைப்படத்தில் ஆர்யாவுக்கு ஜோடியாக நடித்ததன் மூலம் மக்கள் மத்தியில் தனக்கென ஒரு அடையாளத்தை உருவாக்கிக்கொண்டார்.
இந்த திரைப்படம் அவரது சினிமா பயணத்தில் ஒரு திருப்புமுனையாக அமைந்தது, மேலும் துஷாரா விஜயன் தனது திறமையை சர்வதேச அளவில் நிறுவுவதற்கான வாய்ப்பையும் பெற்றார்.
அதன் பின்னர் 2022 ஆம் ஆண்டு “நட்சத்திரம் நகர்கிறது” என்ற படத்தில் நடித்தன் மூலம் தைரியமான கதாப்பாத்திரம் என்றாலே இவர்தான் கொருத்தமாக இருப்பார் என தோன்றச்செய்துவிட்டார். அதனை தொடர்ந்து தனுஷ் இயக்கிய “ராயன்” திரைப்படத்தில் முக்கிய கதாபாத்திரமாக நடித்து தனக்கென ஒரு ரசிகர் பட்டாளத்தையே உருவாக்கிக்கொண்டார்.
அதனை தொடர்ந்து சூப்பர் ஸ்டார் ரஜினியின் வேட்டையன் படத்தில் முக்கிய கதாப்பாத்திரத்தில் நடித்திருக்கின்றார். இந்த படத்தில் பலாத்கார காட்சியில் அவ்வளவு போல்டாக இவரைத் தவிர மற்ற முன்னணி நடிகைகள் நடிக்க சம்மதம் தெரிவித்து இருப்பார்களா என்பது சந்தேகம் தான்.
சமீபத்தில், விக்ரம் ஜோடியாக வீர தீர சூரன் படத்தில் நடித்து ரசிகர்கள் மத்தியில் அமோக வரவேற்பை பெற்றார். இந்நிலையில் துஷாரா விஜயன் ட்ரெண்டிங் சேலையில் அசத்தல் கம்மலுடன் தற்போது வெளியிட்டுள்ள அழகிய புகைப்படங்கள் இணையத்தில் லைக்குகளை குவித்து வருகின்றது.
