ஈரானின் இஸ்லாமிய புரட்சிகர காவலர் படை (IRGC) இரண்டு அமெரிக்க கடற்படை போர்க்கப்பல்களை நோக்கி பல பெலிஸ்டிக் ஏவுகணைகளை ஏவியதை அடுத்து, அமெரிக்க மத்திய கட்டளை பிரிவு CENTCOM 3 ஈரானிய கச்சா எண்ணெய் கப்பல்கள் மீது தாக்குதல் நடத்தியதாக தெரிவித்துள்ளது.
நேற்றைய தினம் ஈரானின் படைகள், பிராந்திய கடலில் ரோந்து பணியில் ஈடுபட்ட அமெரிக்க கடற்படை கப்பல்களை நோக்கி பல பெலிஸ்டிக் ஏவுகணைகளை ஏவியது.
எவ்வாறாயினும் அமெரிக்க விமானம் தாங்கி கப்பல் மற்றும் ஏவுகணை வழிகாட்டி அழிப்பான் கப்பல் ஈரானிய தாக்குதல்களில் இருந்து வெற்றிகரமாக தப்பியது.
இந்த சம்பவத்தில் எந்த அமெரிக்க பணியாளரும் காயமடையவில்லை என அமெரிக்க இராணுவம் கூறியுள்ளது.
இதனையடுத்து அமெரிக்க இராணுவம் 3 ஈரானிய கச்சா எண்ணெய் கப்பல்கள் மீது தாக்குதல் நடத்தியுள்ளது.
கடந்த செப்டம்பர் முதலாம் திகதி அன்று அமெரிக்க மத்திய கட்டளை CENTCOM, ஈரான் வான் பாதுகாப்பு தளங்கள், ரேடார் அமைப்புகள், கடல் சொத்துக்கள், சுரங்கம் வைக்கும் திறன்கள் மற்றும் தகவல் தொடர்பு வசதிகள் உட்பட ஈரானிய இராணுவ இலக்குகள் மீது மற்றொரு அலை தாக்குதல்களை நடத்தியது.
அத்துடன் கார்க் தீவுக்கு அருகில் ஒரு ஈரானிய எண்ணெய் கப்பல் அமெரிக்க தாக்குதலில் பாதிக்கப்பட்டதாக ஈரானின் அதிகாரம் பெற்ற டஸ்னிம் செய்தி நிறுவனத்தை மேற்கோள் காட்டி ரொய்ட்டர்ஸ் செய்தி வெளியிட்டுள்ளது.
