என்ன அறிகுறி காணப்பட்டால் சிறுநீரகம் செயலிழக்க ஆரம்பிக்குதுன்னு அர்த்தம்..!

பொதுவாக உடலில் காணப்படும் அனைத்து உறுப்புகளும் சீராக செயற்பட வேண்டியது அவசியம். அப்போது தான் முழுமையான ஆரோக்கியத்தை பெறமுடியும்.

அந்தவகையில் நச்சுப் பொருட்களை வெளியேற்றும் பிரதான தொழிலை சிறுநீரகம் நிறைவேற்றுகின்றது.

நாம் உண்ணும் உணவிலும் எடுத்துக்கொள்ளும் மருந்து மாத்திரைகளிலும் உள்ள நச்சுப்பொருள்களும் சிறுநீர் மூலமாகவே உடலிலிருந்து வெளியேற்றப்படுகின்றது.

சிறுநீரகங்கள் சரியாக இயங்காத போது, உடலில் மற்ற உறுப்புக்களுக்கும் அது பாதிப்பை ஏற்படுத்துகின்றது.

நீரிழிவு, உயர் ரத்த அழுத்தம், சில மருந்துகள் உள்ளிட்ட பல்வேறு காரணங்களால் சிறுநீரக பாதிப்பு ஏற்படலாம்.

இவ்வாறு நிறுநீரகம் செயழிழக்க ஆரம்பிக்கும் போது உடலில் முன்கூட்டியே உடலில்  சில அறிகுறிகள் தோன்ற ஆரம்பிக்கும்.இவ்வாறான முக்கிய அறிகுறிகள் என்னென்ன என்பது தொடர்பில் இந்த பதிவில் பார்க்கலாம்.

முக்கிய அறிகுறிகள்

சிறுநீரகங்களில் பாதிப்பு ஏற்படப்போகின்றது என்றால், சிலமாதங்களுக்கு முன்னரே சிறுநீர் கழிப்பதில் பிரச்சினைகள் ஆரம்பிக்கும்.

குறிப்பாக இரவு நேரத்தில் அடிக்கடி சிறுநீர் கழிக்க எழுந்தால் மற்றும் சிறுநீர் கழிக்கும் போது அதிகப்படியான அழுத்தம் அல்லது எரிச்சலை உணர்கின்றீர்கள் என்றால் அவதானமான இருக்க வேண்டும். அவை சிறுநீர பாதிப்பின் முக்கிய அறிகுறியாக பார்க்கப்படுகின்றது.

சிறுநீரகங்கள் தான் உடலில் இருந்து அதிகப்படியான நீர் மற்றும் நச்சுக்களை வெளியேற்றுகின்றன.

எனவே சிறுநீரகங்களின் தொழிற்பாட்டில் பாதிப்பு ஏற்படும் போது  இந்த நச்சுக்களை அப்படியே தேங்குவதால் முகம் மற்றும் மூட்டுகளில் வீக்கம் ஏற்படுகின்றது.