நியாயமற்ற வரிகள் என தாம் வர்ணிக்கும் வரிகளை மீளப்பெறவும், வாழ்க்கைச் செலவு சுமையை குறைக்கவும் கோரி ஜன அரகலய இயக்கம் (மக்கள் போராட்ட இயக்கம்) இன்று சனிக்கிழமை கொழும்பில் எதிர்ப்பு பேரணி ஒன்றை நடத்தியது.
இந்த பேரணி பிற்பகல் 1:30 மணியளவில் பொரல்லை கெம்பல் பிளேஸ் அருகில் ஆரம்பமாகி, பொரல்லை ஊடாக கோட்டை புகையிரத நிலையத்தை நோக்கி சென்றது.
போராட்டத்தின் போது பேசிய ஜன அரகலய இயக்கத்தின் தேசிய செயற்குழு உறுப்பினர் வசந்த முதலிகே, அரசாங்கத்தின் வரிக் கொள்கைகளை விமர்சித்ததுடன், அவை சாதாரண குடும்பங்கள் மீதான நிதி அழுத்தத்தை அதிகரித்துள்ளதாக தெரிவித்தார்.
உணவுப் பொருட்களை கொள்வனவு செய்யும் திறன், சிறுவர்களின் ஊட்டச்சத்து குறைபாடு மற்றும் அத்தியாவசிய பொருட்கள் மற்றும் சுகாதார பொருட்கள் மீதான வரிகள் குறித்தும் முதலிகே கவலை தெரிவித்தார். தொடர்ச்சியாக வந்த அரசாங்கங்களின் பொருளாதாரக் கொள்கைகளை விமர்சித்த அவர், தற்போதைய வரிக் கொள்கைகளுக்கு எதிராக தமது அமைப்பு தொடர்ந்து பிரச்சாரம் செய்யும் என குறிப்பிட்டார்.
அடுத்த தேசிய வரவு செலவுத் திட்டத்திற்கு முன்னதாக, பொதுமக்கள் மீதான வரிச்சுமையை அதிகரிக்கக்கூடும் என்று கூறி, மேலதிக போராட்டங்களில் பங்கேற்குமாறும் அவர் பொதுமக்களுக்கு அழைப்பு விடுத்தார்.
