வானியல் வரலாற்றில் புதிய அத்தியாயம்: ரூபின் ஆய்வகம் முதல் படங்களை வெளியிட்டது!
அமெரிக்க தேசிய அறிவியல் அறக்கட்டளை (NSF) மற்றும் ஆற்றல் துறை (DOE) இணைந்து நிதியளித்துள்ள “வெரா ரூபின் வான்காட்சி ஆய்வகம்”(Vera Rubin observatory), தனது முதல் விண்வெளி படங்களை இன்று வெளியிட்டுள்ளது.
இந்தப் படங்கள், முன்னெப்போதிலும் காணாத அளவிலான விண்வெளி அற்புதங்களை பதிவுசெய்துள்ளன.
அது மட்டுமல்லாது, 10 மணி நேரத்திற்கு குறைவான சோதனைத் தடவையில் அந்த தொலைநோக்கி மில்லியனுக்கணக்கான விண்மீன் திரள்கள் (galaxies), பால்வெளி நட்சத்திரங்கள் மற்றும் ஆயிரக்கணக்கான சிறுகோள்களைப் (asteroids) பதிவு செய்துள்ளதாக அதிகாரிகள் தெரிவித்துள்ளனர்.
இது, ”பிரபஞ்ச மர்மங்களை ஆராய 10 வருட காலம் செல்ல உள்ள மாபெரும் திட்டத்தின் ஆரம்ப முன்னோட்டம் மட்டுமே” என விஞ்ஞானிகள் குறிப்பிட்டுள்ளனர்.
அமெரிக்கத் துறைமுக அறிவியல் மற்றும் தொழில்நுட்பக் கொள்கைப் பணிமனையின் இயக்குநர் மைக்கேல் கிராட்சியோஸ் கூறுகிறார்:
“ரூபின் ஆய்வகம், அமெரிக்கா அடைந்துள்ள அறிவியல் உச்சியின் ஒரு சான்றாகும். இது ஒன்றுபட்ட தேசிய ஆராய்ச்சி முயற்சிகள் எவ்வளவு வலிமையான பலனை தரும் என்பதையும் நிரூபிக்கிறது. இது எதிர்கால அறிவியலுக்கான அடித்தளமாகும்.”
அதேபோன்று, NSF இயக்குநராக பணியாற்றும் பிரையன் ஸ்டோன் இது பற்றி கூறுகையில்,
“பழமைவாய்ந்த அனைத்து ஒளி தொலைநோக்கிகளையும் விட அதிகமான பிரபஞ்சத் தகவல்களை ரூபின் ஆய்வகம் பதிவு செய்யும். இது இருட்டு சக்தி, இருட்டு பொருள் போன்ற எம் பிரபஞ்சத்தின் பெரிய மர்மங்களைத் தெளிவுபடுத்தும்.”
அமெரிக்க ஆற்றல் துறை அறிவியல் பணிமனையின் செயல் இயக்குநர் ஹாரியட் குங்,
“இந்த ஆய்வகம் உலக தரத்திலான விஞ்ஞானிகளுக்கும் பொறியியலாளர்களுக்கும் வழங்கப்படும் ஆதரவின் சிறந்த எடுத்துக்காட்டாகும். இது எதிர்கால கண்டுபிடிப்புகளுக்கு நெறி வகுக்கும்” என்று கூறியுள்ளார்.
