மல்யுத்த உலகின் பிரபல வீரர், WWE லெஜெண்ட் ஹல்க் ஹோகன் (உண்மையான பெயர் டெர்ரி ஜீன் பொல்லியா), 71 வயதில் மாரடைப்பு (cardiac arrest) காரணமாக அமெரிக்காவின் புளோரிடா மாநில கிளியர்வாட்டரில் இன்று (ஜூலை 24) அதிகாலை காலமானார்.
1980களில் WWF (இப்போது WWE) இல் “ஹல்கமேனியா” என்ற பரபரப்பான பாத்திரத்தின் மூலம் மல்யுத்த உலகில் புரட்சியை ஏற்படுத்திய ஹோகன், ஆறு முறை WWE உலக சாம்பியனாகவும், ஆறு முறை WCW உலக ஹெவிவெயிட் சாம்பியனாகவும், ஒரு முறை IWGP ஹெவிவெயிட் சாம்பியனாகவும் வெற்றி பெற்றவர்.
1996 இல் “Hollywood Hulk Hogan” என்ற வில்லன் பாத்திரத்தில் New World Order (nWo) குழுவை வழிநடத்திய அவர், WWE Hall of Fame-ல் 2005 மற்றும் 2020 இல் (nWo உறுப்பினராக) சேர்ந்தார்.
மல்யுத்தத்திற்கு அப்பால், ‘ராக்கி III’ (1982), ‘நோ ஹோல்ட்ஸ் பார்ட்’ (1989) போன்ற திரைப்படங்களில் நடித்ததுடன், ‘Hogan Knows Best’ என்ற ரியாலிட்டி நிகழ்ச்சியிலும் பிரபலமானவர்.
கடந்த 10 ஆண்டுகளில் பல அறுவை சிகிச்சைகளை (முதுகு, முழங்கால், இடுப்பு, தோள்பட்டை) எதிர்கொண்டு வந்த ஹோகன், 2025 இல் கழுத்து அறுவை சிகிச்சை செய்து மீண்டுள்ளார்.
அவரது வாழ்க்கையில் ஏற்பட்ட சில சர்ச்சைகளுக்குப் பிறகும் WWE அவரை மீண்டும் கௌரவித்தது.
ஹல்க் ஹோகனின் மறைவால் மல்யுத்த ரசிகர்கள் மற்றும் உலக பொழுதுபோக்கு உலகம் துயரத்தில் மூழ்கியுள்ளது.
