அக்ரூட் என்றழைக்கப்படும் வால்நட் புரதங்கள் மற்றும் ஒமேகா 3 கொழுப்பு அமிலம் உள்ளிட்ட நிறைய ஊட்டச்சத்துக்கள் அடங்கியது. இந்த வால்நட்டை நிறைய சாப்பிட வேண்டும் என்கிற அவசியம் கூட இல்லை. தினமும் ஒரு வால்நட்டை சிறு சிறு துண்டுகளாக உடைத்துப் போட்டு ஒரு டம்ளர் நீர் ஊற்றி ஊறவைத்து விடுங்கள். அடுத்த நாள் காலையில் அந்த நீரை குடித்துவிட்டு வால்நட் பருப்பையும் சாப்பிட வேண்டும். குறிப்பாக பெண்கள் இதை தினமும் கடைபிடிக்க வேண்டும்.
சரும ஆரோக்கியம் மேம்பட வால்நட் நீர்
வால்நட்டில் உள்ள ஆற்றல் வாய்ந்த ஊட்டச்சத்துக்கள் சரும ஆரோக்கியத்திற்கு மிக மிக அவசியமானவை. அவை முழுமையாக கிடைப்பதற்கு ஊறவைத்து சாப்பிடலாம். அந்த நீரை தினமும் குடிக்கும்போது சருமம் ஆரோக்கியமாகவும் பளபளப்பாகவும் மாறும். சரும நிறமும் மேம்படும்.
ஜீரணத்தை மேம்படுத்தும் ஊறவைத்த வால்நட்
வால்நட்டில் உள்ள ஊட்டச்சத்துக்களும் அதிகப்படியான நார்ச்சத்தும் ஜீரண ஆற்றலை மேம்படுத்தும் தன்மை கொண்டது. அதிலும் காலை வெறும் வயிற்றில் வால்நட் ஊறவைத்த நீரைக் குடிதது வரும்போது குடலில் உள்ள கழிவுகள் முழுமையாக வெளியேறும். மலச்சிக்கல் உள்ளிட்ட பிரச்சினை உள்ளவர்களுக்கு அது தீரும்.
ஆன்டி ஆக்சிடண்ட்டுகள்
வால்நட் பருப்பில் ஆற்றல்மிக்க ஆன்டி ஆக்சிடண்ட்டுகள் நிறைந்து காணப்படுகின்றன. இவற்றை ஊறவைக்கும் போது அவை அந்த நீரில் மிக எளிதாக கரைந்து விடும். அந்த நீரை குடிப்பதன் மூலம் ஆன்டி ஆக்சிடண்ட்டுகள் உடலுக்குக் கிடைக்கும். இதிலுள்ள ஆக்சிஜனேற்ற பண்புகள் உடலில் ப்ரீ – ரேடிக்கல்ஸ்களை எதிர்த்துப் போராடி நோய்த் தொற்றுக்கள் பாதிக்காமல் தடுக்கிறது.
எடை கட்டுப்பாடு
நிறைய பேர் நட்ஸ் வகைகளில் இருக்கும் கொழுப்பு உடல் எடையை அதிகரிக்கும் என்று நினைக்கிறார்கள். ஆனால் அது உண்மையல்ல.
வால்நட்டில் உள்ள நல்ல கொழுப்பு அமிலம் மற்றும் நார்ச்சத்து சேர்ந்து கெட்ட கொலஸ்டிராலை வெளியேற்ற உதவி செய்கிறது. இதன்மூலம் உடல் எடை கட்டுப்பாட்டில் இருக்க உதவுகிறது. உடல் எடையைக் குறைக்க டயட்டில் இருப்பவர்கள் இந்த வால்நட் ஊறவைத்த நீரை காலையில் குடித்து வரலாம்.
