கட்டணங்கள் தற்காலிகமாக நிறுத்தி வைக்கப்பட்டுள்ள 90 நாட்களுக்குள் கட்டண விவகாரம் தொடர்பாக அமெரிக்காவுடன் ஒரு ஒப்பந்தம் எட்டப்படும் என்று நம்புவதாக நிதி மற்றும் திட்டமிடல் துணை அமைச்சர் டாக்டர் ஹர்ஷன சூரியப்பெரும கூறுகிறார்.
அரசாங்க தகவல் திணைக்களத்தில் இன்று (30) நடைபெற்ற செய்தியாளர் சந்திப்பில் கலந்து கொண்டு உரையாற்றும் போதே அவர் இவ்வாறு தெரிவித்தார்.
உலகெங்கிலும் உள்ள சுமார் நூறு நாடுகளை குறிவைத்து, வெளிநாட்டு இறக்குமதிகள் மீதான வரிகளை அதிகரிக்க அமெரிக்க ஜனாதிபதி டொனால்ட் டிரம்ப் ஏப்ரல் 2 ஆம் திகதி நடவடிக்கை எடுத்தார்.
அதே நேரத்தில், அமெரிக்காவுடனான தற்போதைய வர்த்தக பற்றாக்குறையின் அடிப்படையில் இலங்கை மீது 44% வரி விதிக்கப்பட்டது, பின்னர் ஜனாதிபதி டிரம்ப் 90 நாட்களுக்கு வரியை நிறுத்தி வைக்க நடவடிக்கை எடுத்தார்.
இது தொடர்பாக இலங்கை அரசாங்கக் குழு ஏற்கனவே அமெரிக்காவுடன் கலந்துரையாடல்களைத் தொடங்கியுள்ளது, மேலும் அதன் முன்னேற்றம் குறித்த விவரங்கள் இன்று வெளியிடப்பட்டன.
