தம்புத்தேகம ஆதார வைத்தியசாலையின் சிற்றூழியர்கள் ஆரம்பித்த வேலைநிறுத்தத்தைத் தொடர்ந்து அத்தியாவசிய சுகாதார சேவைகள் தடையின்றி தொடர்வதை உறுதி செய்வதற்காக இலங்கை இராணுவத்தினர் அங்கு பணியில் அமர்த்தப்பட்டுள்ளனர்.
வைத்தியசாலையின் சிற்றூழியர்கள் நேற்று செவ்வாய்க்கிழமை (13) வேலைநிறுத்தப் போராட்டத்தை ஆரம்பித்தனர், இது வழமையான செயல்பாடுகளை பாதித்தது என இலங்கை இராணுவம் தெரிவித்துள்ளது.
மாகாண சுகாதார சேவைகள் பணிப்பாளர் விடுத்த கோரிக்கையைத் தொடர்ந்து படையினர் இவ்வாறு பணிகளில் நிலைநிறுத்தப்பட்டதாக இராணுவம் தெரிவித்துள்ளது.
பாதுகாப்பு படை தலைமையகம் (வன்னி) வழங்கிய அறிவுறுத்தல்களின் பேரில் இந்த நடவடிக்கை மேற்கொள்ளப்பட்டது, வைத்தியசாலையில் அத்தியாவசிய சேவைகளை தொடர்வதற்கு ஆதரவளிக்க தேவையான நடவடிக்கைகளை இராணுவத்தினர் எடுத்துள்ளனர்.
தொடர்ந்து நடைபெற்று வரும் ஊழியர்களின் வேலைநிறுத்தத்தையும் மீறி அத்தியாவசிய சுகாதார சேவைகள் தொடர்ந்து இயங்குவதை உறுதி செய்வதை நோக்கமாகக் கொண்டது தங்கள் தலையீடு என இராணுவம் தெரிவித்துள்ளது.
