15 வருடங்களுக்கு மேலாக வீடு மற்றும் குடிநீர் மலசலக்கூட வசதியின்றி பல அரச அதிகாரிகளிடம் வேண்டிய போதிலும் தமக்கான அடிப்படை வசதிகள் எதுவும் கிடைக்கப்பெறாத நிலையில் வாழ்ந்து வந்த மக்களுக்கு தற்பொழுது நமசிவாயம் மூதாளர் பேணலகத்தின் ஏற்பாட்டில் தலா ஒன்பது லட்சம் ரூபாய் பெறுமதியான மூன்று குடும்பங்களுக்கு நிரந்தர வீடு வழங்கப்பட்டுள்ளது.

கிளிநொச்சி கரைச்சி பிரதேச‌ செயலக பிரிவில்‌ மாவடியம்மன் புதுக்காடு கிராமத்தில் நோர்வே தமிழ் உறவுகளின் நிதி அனுசரணையில் நமசிவாய மூதாளர் பேணலக பவுண்டேசனால் அமைக்கப்பட்ட மூன்று வீடுகள் கையளிக்கும் நிகழ்வு நேற்றைய தினம் (11.02.2025) நடைபெற்றது.

இந்நிகழ்வில் அந்நிறுவன தலைவர் திரு.வே.வாமதேவன், செயலாளர் திரு.க.ஜெகரூபன், கிராம சேவையாளர் திருமதி.யு.அல்பிரேட்நிலைக்சி அவர்களும் கலந்துகொண்டனர்.

மேலும் இதனைத் தொடர்ந்து கிளிநொச்சி மாவட்டத்தில் ஓலைக் குடிசைகளில் வசிக்கும் பெண்தலமைத்து மற்றும் மாற்று திறனாளி குடும்பங்களைச் சேர்ந்த பல குடும்பங்களுக்கு நமசிவாய மூதாளர் பேணலக பவுண்டேசனால் புதிய வீடுகள் படிப்படியாக அமைக்கப்படவுள்ளமையும்  குறிப்பிடத்தக்கது.

[கிளிநொச்சி  நிருபர் – ஆனந்தன்]

LEAVE A REPLY

Please enter your comment!
Please enter your name here