பொலிசாரினால் பல குற்றங்கள் தொடர்பில் தேடப்பட்டு வந்ததுடன், ஹபராதுவவில் இரண்டு பெண்கள் கொலை செய்யப்பட்ட சம்பவத்துடன் தொடர்புடையவர் என சந்தேகிக்கப்படும் 34 வயதுடைய சந்தேக நபர் ஒருவர் கைது செய்யப்பட்டுள்ளார்.
ஹபராதுவ பொலிஸ் நிலைய அதிகாரிகளுக்கு கிடைத்த தகவலின் அடிப்படையில், புதன்கிழமை (21) ஹபராதுவ எரமுதுகஹா சந்திப் பகுதியில் நடத்தப்பட்ட சுற்றிவளைப்பின் போது சந்தேக நபர் கைது செய்யப்பட்டார்.
கைது செய்யப்பட்ட போது சந்தேக நபரிடம் இருந்து 12.620 கிராம் ஐஸ் போதைப்பொருள் பொலிஸாரால் மீட்கப்பட்டது.
சந்தேக நபர் வஞ்சாவல பகுதியைச் சேர்ந்தவர் என அடையாளம் காணப்பட்டுள்ளார்.
மேலதிக விசாரணைகளில், காலி மேல் நீதிமன்றத்தால் பிறப்பிக்கப்பட்ட பிடியாணையின் கீழ் சந்தேக நபர் தேடப்பட்டு வந்தவர் என தெரியவந்துள்ளது.
2026 அக்டோபர் 8 அன்று இரண்டு பெண்கள் கொலை செய்யப்பட்ட சம்பவத்தில் இவருக்கு தொடர்பு இருப்பதாகவும் பொலிஸார் சந்தேகிக்கின்றனர்.
மேலும், கடைகளுக்குள் புகுந்து சொத்துக்களை திருடிய இரண்டு சம்பவங்கள் மற்றும் ஹபராதுவ பொலிஸ் நிலையத்தில் பதிவு செய்யப்பட்ட சைக்கிள் திருட்டு தொடர்பிலும் சந்தேக நபர் தேடப்பட்டு வந்தவர் என விசாரணைகளில் தெரியவந்துள்ளது.
ஹபராதுவ பொலிஸார் மேலதிக விசாரணைகளை மேற்கொண்டு வருகின்றனர்.
