இலங்கைக்கான இந்திய உயர் ஸ்தானிகர் சந்தோஷ் ஜா, இலங்கையின் முன்னாள் ஜனாதிபதி மஹிந்த ராஜபக்ஷவை கொழும்பில் உள்ள விஜேராமாவில் உள்ள அவரது அதிகாரப்பூர்வ இல்லத்தில் சந்தித்து கருத்துகளைப் பரிமாறிக் கொண்டார்.
புதன்கிழமை (05) நடைபெற்ற சந்திப்பின் போது, இந்திய உயர் ஸ்தானிகரும் ராஜபக்சேவும் இலங்கை – இந்தியா இடையேயான பன்முக உறவுகள், இணைப்புத் திட்டங்கள் மற்றும் இலங்கையின் சமீபத்திய முன்னேற்றங்கள் உள்ளிட்டவை குறித்து கருத்துக்களைப் பரிமாறிக் கொண்டனர்.
‘X’ இல் பதிவிட்ட முன்னாள் ஜனாதிபதி, இரு நாடுகளுக்கும் இடையிலான தொடர்ச்சியான ஒத்துழைப்பை இலங்கை எதிர்நோக்குவதாகக் கூறினார்.
மேலும், தற்போதைய அரசியல் சூழ்நிலை குறித்தும் இந்தக் கலந்துரையாடல் கவனம் செலுத்தியதாகவும், குறிப்பாக முன்னாள் ஜனாதிபதி மஹிந்த ராஜபக்ஷவின் ஆட்சிக் காலத்தில் இருந்த இந்தியா-இலங்கை உறவுகளை இந்திய உயர் ஸ்தானிகர் நினைவு கூர்ந்ததாகவும் தெரிவிக்கப்பட்டது.
