இந்தியாவில் நடைபெற்றுவரும் மகளிர் பிரீமியர் லீக் போட்டியில் மும்பை இந்தியன்ஸ் (Mumbai Indians) மற்றும் குஜராத் கெய்ண்ட்ஸ் (Gujarat Giants) அணிகளுக்கு இடையிலான போட்டி நேற்றைய தினம்(25) நடைபெற்றிருந்தது.
இப்போட்டியில் மும்பை இந்தியன்ஸ் அணி 5 விக்கட்டுக்கள் வித்தியாசத்தில் வெற்றி பெற்றுள்ளது.
போட்டியின் நாணய சுழற்சியில் வெற்றி பெற்ற மும்பை முதலில் களத்தடுப்பைத் தீர்மானித்தது.
இதற்கமைய மிதலில் துடுப்பெடுத்தாடிய குஜராத் நிர்ணயிக்கப்பட்ட 20 ஓவர்களில் 9 விக்கட்டுக்களை இழந்து 126 ஓட்டங்களைப் பெற்றது.
குஜராத் அணி சார்பாக தனுஜா கன்வர் (Tanuja Kanwar) 28 ஓட்டங்களை அதிகபட்சமாக பெற்றார்.
பந்து வீச்சில் அமெலியா கெர் (Amelia Kerr) 4 விக்கட்டுக்களையும் ஷப்னிம் இஸ்மாயில் (Shabnim Ismail) 3 விக்கட்டுக்களையும் மும்பை சார்பாக வீழ்த்தியிருந்தனர்.
தொடர்ந்து வெற்றியிலக்கை நோக்கி துடுப்பெடுத்தாடிய மும்பை 18.1 ஓவர்களில் 5 விக்கட்டுக்களை மாத்திரம் இழந்து 129 ஓட்டங்களை பெற்று வெற்றியடைந்தது.
மும்பை அணி சார்பாக துடுப்பாட்டத்தில் அணித்தலைவி ஹர்மன்ப்ரீத் கவுர் (Harmanpreet Kaur) 46 ஓட்டங்களை அதிகபட்சமாகப் பெற்றார்.
குஜராத் அணிக்கு தனுஜா கன்வர் (Tanuja Kanwar) 2 விக்கட்டுக்களை பெற்றுக் கொடுத்தார்.
போட்டியின் ஆட்டநாயகியாக மும்பை வீராங்கனை அமெலியா கெர் (Amelia Kerr) தெரிவாகியிருந்தார்.
இன்றைய போட்டியில் யூ.பி வோரியர்ஸ் (UP Warriorz) மற்றும் டெல்லி கெபிடல்ஸ் (Delhi Capitals) ஆகிய அணிகள் மோதவுள்ளன.
