அமெரிக்காவின் தெற்கு மற்றும் மத்திய ஆசிய விவகாரங்களுக்கான உதவி இராஜாங்கச் செயலாளர் டொனால்ட் லு ஜனாதிபதி அனுரகுமார திஸாநாயக்கவை இன்று (7) சந்தித்து ஊழல் ஒழிப்பு முயற்சிகள் தொடர்பில் கலந்துரையாடினார்.

இலங்கையின் பொருளாதாரம், பாதுகாப்பு மற்றும் தவறாகப் பயன்படுத்தப்பட்ட நிதியை மீட்பதற்கான முயற்சிகளை வலுப்படுத்துவதற்கு நிதி மற்றும் தொழில்நுட்ப ஆதரவை வழங்குவதற்கான தனது உறுதிப்பாட்டை அமெரிக்கா வெளிப்படுத்தியது.

நாட்டின் இறையாண்மை மற்றும் பிராந்திய ஒருமைப்பாட்டிற்கான அமெரிக்காவின் ஆதரவை மீண்டும் உறுதிப்படுத்தும் வகையில், அரசியல் மற்றும் பொருளாதார சீர்திருத்தங்களுக்கு இலங்கை முன்னுரிமை அளித்ததை திரு. லூ பாராட்டினார்.

நவீன, திறமையான பொதுச் சேவையை ஊக்குவிப்பதற்கும், ஊழலுக்கு எதிராகவும் கிராமப்புற வாழ்க்கைத் தரத்தை உயர்த்துவதற்கும் மேற்கொள்ளப்பட்டு வரும் முயற்சிகளை ஜனாதிபதி திஸாநாயக்க எடுத்துரைத்தார்.

அமெரிக்க தூதர் ஜூலி சுங் மற்றும் சர்வதேச வளர்ச்சிக்கான அமெரிக்க ஏஜென்சி (USAID) பிரதிநிதிகள் உட்பட முக்கிய அதிகாரிகள் கூட்டத்தில் பங்கேற்றனர்.

LEAVE A REPLY

Please enter your comment!
Please enter your name here