தேசிய நுகர்வோர் விலைச் சுட்டெண் (NCPI) அடிப்படையில் கணக்கிடப்படும் ஒட்டுமொத்த பணவீக்கம், கடந்த ஓகஸ்ட் மாதத்தில் 1.5% ஆக உயர்ந்துள்ளதாக தொகை மதிப்பு மற்றும் புள்ளிவிவரத் திணைக்களம் வெளியிட்டுள்ள சமீபத்திய தரவுகள் தெரிவிக்கின்றன.
இதற்கு முந்தைய ஜூலை மாதத்தில், இந்த பணவீக்கம் 0.7% ஆக இருந்தது. இந்த உயர்வு, நுகர்வோர் நிலைகளில் சில அதிர்வுகளை ஏற்படுத்தக் கூடும் என பொருளாதார நிபுணர்கள் கூறுகின்றனர்.
உணவுப் பொருட்களின் விலை அதிகரிப்பே இந்த உயர்வுக்கு முக்கியக் காரணமாக இருப்பதாகத் தெரிகிறது.
உணவுப் பணவீக்கம், ஜூலை மாதத்தில் 2.2% ஆக இருந்த நிலையில், ஓகஸ்ட் மாதத்தில் 2.9% ஆக உயர்ந்துள்ளது.
அதே நேரத்தில், உணவு அல்லாத பிரிவுகளின் ஆண்டுக்கு ஆண்டு பணவீக்கம் ஜூலை மாதத்தில் -0.6% ஆகக் குறைவாக இருந்ததுடன், ஓகஸ்ட் மாதத்தில் அது 0.4% ஆக உயர்ந்துள்ளது.
இது பிற பொருட்களின் விலை நிலையிலும் மெல்லிய மாற்றம் ஏற்பட்டிருக்கலாம் என்பதைக் காட்டுகிறது.
