தேசிய அளவில் மின்சாரம் தடைப்பட்டதைத் தொடர்ந்து பல மின் உற்பத்தி நிலையங்கள் பழுதடைந்ததாகக் கூறப்படும் தகவல்களை தேசிய கட்டமைப்பு மேலாளர் (NSO) நிறுவனம் நிராகரித்துள்ளதுடன், எந்தவொரு மின் உற்பத்தி நிலையத்திலும் பழுது ஏற்பட்டதாக தகவல் இல்லை என்பதை உறுதிப்படுத்தியுள்ளது.
தனது சமீபத்திய அறிவிப்பில், மின் கட்டமைப்பு செயலிழப்புக்கு முன்னர் செயல்பாட்டில் இருந்த அனைத்து நீர்மின் நிலையங்களும் தொடர்ந்து செயல்பாட்டில் இருப்பதாகவும், தற்போது மின்சார விநியோகத்தை மீட்டெடுக்க பயன்படுத்தப்பட்டு வருவதாகவும் அந்த நிறுவனம் தெரிவித்துள்ளது.
நுரைச்சோலை நிலக்கரி மின் உற்பத்தி நிலையம் இயந்திரக் கோளாறு காரணமாக அல்ல, மாறாக அமைப்பு செயலிழப்பைத் தொடர்ந்து நிலையான நடைமுறைகளுக்கு ஏற்ப மூடப்பட்டதாக நிறுவனம் மேலும் தெளிவுபடுத்தியுள்ளது.
நண்பகல் முதல் பகுதி பகுதியாக மின்சார விநியோகம் வெற்றிகரமாக மீட்டெடுக்கப்பட்டுள்ளதாக குறித்த அமைப்பு தெரிவித்துள்ளது.
சனிக்கிழமை (அக்டோபர் 17) மாலை 6:30 மணியளவில் தேசிய மின் கட்டமைப்பு மீட்டெடுக்கப்படும் என எதிர்பார்க்கிறது என குறிப்பிடப்பட்டுள்ளது.
நாடு தழுவிய மின்தடைக்குப் பிறகு பல மின் உற்பத்தி நிலையங்கள் பழுதடைந்ததாக வெளியான தகவல்களைத் தொடர்ந்து இந்த விளக்கம் அளிக்கப்பட்டுள்ளது.
