இலங்கையின் சுங்கத் திணைக்களம் இவ்வருடத்தின் கடந்த 8 மாதங்களில் 1000 பில்லியன் ரூபாவை சுங்க வருமானமாகப் பெற்றுள்ளதாக சுங்கப் பணிப்பாளர் நாயகம் தெரிவித்துள்ளார்.
இது வரலாற்றில் முதல் தடவை எனவும் அதன் பணிப்பாளர் நாயகம் சரத் நோனிஸ் தெரிவித்துள்ளார்.
சர்வதேச நாணய நிதியம் 2024ஆம் ஆண்டிற்கான எதிர்பார்க்கப்படும் வருமான இலக்காக 1534 பில்லியன் ரூபாவை உறுதிப்படுத்தியுள்ளது.
எனினும், 2024ஆம் ஆண்டின் 08 மாத இறுதிக்குள் 1000 பில்லியன் வருமான இலக்கை எட்டியிருப்பதால், வருடத்தின் விரும்பிய இலக்கை அடுத்த 04 மாதங்களில் எட்ட முடியும் என சுங்கப் பணிப்பாளர் நாயகம் சரத் நோனிஸ் தெரிவித்துள்ளார்.
வரலாற்றில் இதற்கு முன்னர் 2023ஆம் ஆண்டு அதிக வருமானம் கிடைத்ததாகவும், அந்த வருடத்தின் மொத்த சுங்க வருமானம் 975 பில்லியன் ரூபா எனவும் அவர் சுட்டிக்காட்டியுள்ளார்.
பொதுவாக மொத்த சுங்க வருமானத்தில் 25 வீதம் தொடக்கம் 30 வீதம் கார்கள் இறக்குமதியில் பதிவு செய்யப்படுவதாகவும், இந்த இரண்டு வருடங்களிலும் கார்களின் இறக்குமதி கட்டுப்படுத்தப்பட்டிருப்பதால் அந்த எண்ணிக்கை 6 வீதத்துக்கும் குறைவாக இருப்பதாகவும் கூறுகிறார்.
ஜனாதிபதி ரணில் விக்கிரமசிங்கவின் நிதிப் பொருளாதார ஸ்திரப்படுத்தல் மற்றும் தேசிய கொள்கை அமைச்சர் என்ற வகையில் அவர்களின் வழிகாட்டல் மற்றும் பங்களிப்பு மற்றும் இராஜாங்க அமைச்சர்களான ரஞ்சித் சியம்பலாபிட்டிய மற்றும் ஷெஹான் சேமசிங்க ஆகியோரின் தலைமைத்துவம் மற்றும் பங்களிப்பின் காரணமாக இந்த நிலையை இலகுவாக அடைய முடிந்ததாக சுங்கப் பணிப்பாளர் தெரிவித்தார்.
கடந்த இரண்டு ஆண்டுகளில், சுங்கத் திணைக்களத்தில் பல சாதகமான மாற்றங்கள் செய்யப்பட்டுள்ளன, மேலும் அனைத்து அதிகாரிகளும் புதிய முறைகள் மற்றும் தொழில்நுட்ப செயல்பாட்டு செயல்முறைகள் மூலம் செயல்பாட்டை எளிதாக்க முடிந்தது.
மேலும், இடமாற்றங்கள் மற்றும் முழு சுங்க நிர்வாக நடைமுறைகளையும் முறையாக மேற்கொள்ளவும், தேவையான தர மாற்றங்களைச் செய்யவும், முழு சுங்கத் துறையையும் வருடாந்திர செயல் திட்டத்தின் கீழ் வழிநடத்துவதன் மூலம் நிர்வாக நடவடிக்கைகள் தொடரும் என்றார்.
