2025 ஆசியக் கிண்ணத் தொடரின் சூப்பர் 4 சுற்றின் முக்கியமான போட்டி இன்று (24) டுபாயில் நடைபெறவுள்ளது.
இந்த ஆட்டத்தில் இந்தியா மற்றும் பங்களாதேஷ் அணிகள் மோதவுள்ளன. இலங்கை நேரப்படி இந்த ஆட்டம் இரவு 8.00 மணிக்கு ஆரம்பமாகவுள்ளது.
தொடரில் இதுவரை எந்தவொரு தோல்வியும் சந்திக்காமல் முன்னேறி வரும் இந்திய அணி, லீக் சுற்றில் ஐக்கிய அரபு இராச்சியம், பாகிஸ்தான் மற்றும் ஓமன் அணிகளை வெற்றிகொண்டது.
பின்னர் சூப்பர் 4 சுற்றில் பாகிஸ்தானை 6 விக்கெட்டுகளால் தோற்கடித்து தன்னம்பிக்கையை மேலும் உறுதிப்படுத்தியுள்ளது.
மற்றொரு புறம், பங்களாதேஷ் அணி லீக் சுற்றில் ஹொங்கொங் மற்றும் ஆப்கானிஸ்தான் அணிகளை வென்றதுடன், இலங்கையிடம் தோல்வியடைந்தது. எனினும், சூப்பர் 4 சுற்றில் நடைபெற்ற தனது முதல் ஆட்டத்தில் இலங்கையை 4 விக்கெட் வித்தியாசத்தில் வீழ்த்தி சவாலுக்கு திரும்பியுள்ளது.
தற்போது இரு அணிகளும் தலா 2 புள்ளிகளை பெற்றுள்ள நிலையில், இன்றைய போட்டி வெற்றி பெறும் அணி தொடரின் இறுதிச் சுற்றுக்கு முன்னேறும் வாய்ப்பைப் பெரிதும் பெறும். அதனால், இந்த போட்டி இரு அணிகளுக்குமான முக்கியமான தீர்க்கதரிசி ஆட்டமாக பார்க்கப்படுகிறது.
