தமிழ் முற்போக்கு கூட்டணியின் (TPA) தலைவர் மனோ கணேசன், சவூதி அரேபியாவில் மரண தண்டனையை எதிர்நோக்கியுள்ள இலங்கையரான அனோஜன் சிவராசாவுக்கு கருணை வழங்குமாறு சவூதி பட்டத்து இளவரசரும் பிரதமருமான முகமது பின் சல்மானிடம் வேண்டுகோள் விடுத்துள்ளார்.
மனிதாபிமான அடிப்படையில் இந்த வேண்டுகோளை விடுத்துள்ள அவர், சுமார் இரண்டு தசாப்தங்களுக்கு முன்பு நடந்த ஒரு சம்பவத்தை நினைவு கூர்ந்தார், அதில் தனது மனைவியைக் கொன்றதற்காக மரண தண்டனை விதிக்கப்பட்ட சவூதிப் பெண் ஒருவரை இலங்கையர் ஒருவர் மன்னித்ததாக குறிப்பிடப்பட்டுள்ளது.
எக்ஸ் தளத்தில் பகிரப்பட்ட குறித்த அறிக்கையில், இலங்கையரான சகாதேவனின் மனைவி ராஜாமணி சவூதி அரேபியாவில் கொல்லப்பட்ட பின்னர் அவர் தனது மனைவியை இழந்ததாக கணேசன் சுட்டிக்காட்டியுள்ளார். அவரது மரணத்திற்கு பொறுப்பான சவூதிப் பெண் ஒருவருக்கு பின்னர் மரண தண்டனை விதிக்கப்பட்டது.
இருப்பினும், அந்த பெண்ணின் குழந்தைகள் மீதான இரக்கத்தினால் சகாதேவன் அந்த பெண்ணை மன்னிக்கத் தேர்வு செய்ததாகவும், இறுதியில் அவரை மரண தண்டனையிலிருந்து காப்பாற்றியதாகவும் மனோ கணேசன் குறிப்பிட்டுள்ளார்.
அனோஜன் சிவராசாவின் வழக்கைக் குறிப்பிட்டு, அவர் மீது இதே போன்ற கருணை மற்றும் இரக்க உணர்வை காட்டுமாறு சவூதி பட்டத்து இளவரசரிடம் கணேசன் வேண்டுகோள் விடுத்துள்ளார் என தெரிவிக்கப்படுகிறது.
அத்துடன் ‘ஒரு இலங்கை குடும்பம் ஒரு முறை ஒரு சவூதி தாயை மன்னித்தது. இப்போது சவூதி அரேபியா ஒரு இலங்கை மகனுக்கு கருணை காட்டட்டும்,” என அவர் குறிப்பிட்டுள்ளார்.
இந்த வேண்டுகோள் மனிதாபிமான அடிப்படையிலும், கருணை, இரக்கம் மற்றும் உயிரைப் பாதுகாக்கும் உணர்விலும் விடுக்கப்படுவதாக அவர் தெரிவித்தார்.
