யாழ்ப்பாணத்தில் இடம்பெற்ற நிகழ்வொன்றிற்கு ஏனைய மாவட்டங்களில் இருந்து பேரூந்து சுமைகளை ஏற்றிச் சென்ற ஜனாதிபதி அனுரகுமார திஸாநாயக்கவின் நடவடிக்கை குறித்து முன்னாள் பாராளுமன்ற உறுப்பினர் எம்.ஏ.சுமந்திரன் கேள்வி எழுப்பியுள்ளார்.
முன்னாள் பாராளுமன்ற உறுப்பினர் சுமந்திரன் சமூகவலைத்தளங்களில் வெளியிட்டுள்ள அறிக்கையில், ஏதோ விசித்திரமான காரணத்திற்காக ஜனாதிபதி நேற்று மாலை சில ஆயிரம் பேரை பஸ்களில் யாழ்ப்பாணத்திற்கு அழைத்து வந்து உரையாற்றினார்.
ஜனாதிபதி ஏன் அவ்வாறு செய்தார் என கேள்வி எழுப்பிய சுமந்திரன், அதற்கு பதிலாக ஜனாதிபதி அவர்களின் சொந்த மாவட்டங்களில் உள்ள மக்களிடம் உரையாற்றியிருந்தால் பயணச் செலவு குறைந்திருக்கும் என சுட்டிக்காட்டினார்.
யாழ்ப்பாணத்தில் நேற்று இடம்பெற்ற தேசிய மக்கள் சக்தியின் அரசியல் நிகழ்வில் ஜனாதிபதி அனுரகுமார திஸாநாயக்க உரையாற்றினார்.
பேரணி குறித்து கருத்து தெரிவித்த ஜனாதிபதி, யாழ்ப்பாணத்தில் தாம் உரையாற்றிய மிகப் பெரிய மக்கள் கூட்டம் இதுவாகும் என்று கூறியிருந்தார்.
