அமேசன் கல்லூரி மற்றும் பல்கலைக்கழகத்திற்கு புதிய ஆலோசனை சபை நியமிக்கப்பட்டுள்ளது.

விசேட, தரமான கல்வி, தொழில்முறை மேம்பாடு மற்றும் நிறுவன வளர்ச்சி ஆகியவற்றில் தொடர்ந்தும் கவனம் செலுத்தி வரும் அமேசன் கல்லூரி மற்றும் பல்கலைக்கழகத்தின் பயணத்தில், இந்த நியமனம் மற்றுமொரு முக்கிய மைல்கல்லாக அமைந்துள்ளது.

பல்வேறு துறைகளைச் சேர்ந்த அனுபவமிக்க கல்வியாளர்கள், ஆய்வாளர்கள், தொழில்முறை நிபுணர்கள் மற்றும் துறைசார் வல்லுநர்களை உள்ளடக்கியதாக புதிய ஆலோசனை சபை அமைக்கப்பட்டுள்ளது.

அமேசன் கல்லூரி மற்றும் பல்கலைக்கழகத்தின் கல்வி மற்றும் தொழில்முறை தரங்களை மேலும் வலுப்படுத்துவதுடன், நிறுவனத்தின் எதிர்கால வளர்ச்சிக்கான மூலோபாய வழிகாட்டலையும் இந்த சபை வழங்கும் என தெரிவிக்கப்பட்டுள்ளது.

அமேசன் கல்லூரி மற்றும் பல்கலைக்கழகத்தின் கொழும்பு வளாகத்தில் கடந்த 13 ஆம் திகதி இந்த நியமனத்தின் அங்குரார்ப்பன நிகழ்வு இடம் பெற்றது.

இதன் போது புதிய ஆலோசனை சபை உறுப்பினர்களாக,

பேராசிரியர் ஃபரீனா ருசைக்

புவியியல் பேராசிரியர் | முன்னாள் புவியியல் துறைத் தலைவர் | கொழும்புப் பல்கலைக்கழகம்,

கலாநிதி தர்ஷி தொரடெனிய

மூத்த விரிவுரையாளர் | முன்னாள் வரலாற்றுத் துறைத் தலைவர் | கொழும்புப் பல்கலைக்கழகம்,

கலாநிதி அவங்கா பெர்னாண்டோ

மூத்த விரிவுரையாளர் | CEDREP பணிப்பாளர் | சமூகவியல் துறை | கொழும்புப் பல்கலைக்கழகம்

பேராசிரியர் கலாநிதி பஷீர் ரிஸ்க்கான்

DEng, MEd, BSc (CS) | தரவு அறிவியல் பேராசிரியர் மற்றும் கணினி மற்றும் தகவலியல் கல்லூரி பீடாதிபதி மற்றும் மலேசிய அல்புகாரி சர்வதேசப் பல்கலைக்கழகம்

கலாநிதி அஷ்கர் மொஹமட்

உதவிப் பேராசிரியர் – பிந்தைய முனைவர் ஆய்வு | தொழில்முறை சமூகப் பணியாளர் | உளவியல் ஆலோசகர் மற்றும் மனித உரிமை செயற்பாட்டாளர் | PhD (வுஹான், சீனா), MSW, BSW (Hons – NISD), LLB (Hons – Oxford Brookes University, UK)

கலாநிதி கல்பாரி நெத்ராங்கினி பிடிகல

ஆலோசனை உளவியலாளர் | நிறுவன நலவாழ்வு ஆலோசகர் | EMDR சிகிச்சையாளர் -அசிரி மருத்துவமனைகள்

கலாநிதி ஷெஹ்வர் சுபைர்

ஆரம்பக் குழந்தைப் பருவக் கல்வியில் PhD | கல்வியில் முதுகலைப் பட்டம் (மலேசியா) | BSc Teaching Technology | NVQ Level 4 & 5 | விசேட தேவைகள் கல்வியில் சான்றிதழ் பெற்றவர். ஆகியோர் நியமிக்கப்பட்டுள்ளனர்.

புதிதாக நியமிக்கப்பட்ட ஆலோசனை சபை, அமேசன் கல்லூரி மற்றும் பல்கலைக்கழகத்தின் நிறுவனர் மற்றும் பணிப்பாளர் இல்ஹாம் மரிக்கார் மற்றும் கல்வி, கல்விசாரா பணியாளர்களுடன் இணைந்து செயற்படவுள்ளது.

இதன் மூலம் கல்வித் தரம், மாணவர் மேம்பாடு, நிறுவன நிர்வாகம், தொழில்முறை தரநிலைகள் மற்றும் எதிர்கால கல்வி முயற்சிகள் ஆகியவற்றை மேலும் வலுப்படுத்துவதற்கு நடவடிக்கைகள் மேற்கொள்ளப்படவுள்ளன.

அறிவு, தொழில்முறைத் திறன், புத்தாக்கம் மற்றும் மாணவர்களின் வெற்றி ஆகிய அனைத்தும் ஒருங்கிணையும் சிறந்த கல்வி நிறுவனத்தை உருவாக்குவதற்கான அமேசன் கல்லூரி மற்றும் பல்கலைக்கழகத்தின் உறுதிப்பாட்டை இந்த புதிய அத்தியாயம் மேலும் வெளிப்படுத்துகின்றது.

LEAVE A REPLY

Please enter your comment!
Please enter your name here