ஜனாதிபதி அநுரகுமார திசாநாயக்க, பிரேசில் தலைவர் லூயிஸ் இனாசியோ லூலா டா சில்வாவின் தேர்தல் வெற்றிக்கு வாழ்த்து தெரிவித்துள்ளார், இதனை ஊழல், பிரிவினை மற்றும் அரசியல் நேர்மையின்மைக்கு எதிரான வெற்றி என அவர் வர்ணித்துள்ளார்.
தனது அதிகாரப்பூர்வ ‘X’ கணக்கில் பகிரப்பட்ட பதிவில், பிரேசில் மக்கள் வெறும் தேர்தல் வெற்றியை மட்டும் அடையவில்லை என ஜனாதிபதி திசாநாயக்க குறிப்பிட்டுள்ளார்.
“இன்று, பிரேசில் மக்கள் வெறுமனே தேர்தலில் மாத்திரம் வெற்றி பெறவில்லை; அவர்கள் ஊழல், பிரிவினை மற்றும் அரசியல் பொய்களின் சக்திகளை தோற்கடித்துள்ளனர்,” என அவர் குறிப்பிட்டுள்ளார்.
லூலாவின் வெற்றி, அரசியல் வம்சங்கள் மற்றும் காலாவதியான அரசியல் சக்திகளால் மக்களை ஏமாற்ற முடியாது என்பதற்கு ஒரு எடுத்துக்காட்டு என ஜனாதிபதி மேலும் வர்ணித்தார்.
“தோழர் @LulaOficial இன் பிரேசிலில் வரலாற்று வெற்றி, திவாலான அரசியல் வம்சங்களாலும், வலிமையே நீதியை விட பெரியது என நம்பும் கடந்த காலத்தின் பேய்களாலும் மக்களை ஏமாற்ற முடியாது என்பதைக் காட்டுகிறது,” என்று அவர் கூறினார்.
லூலாவுக்கு வாழ்த்து தெரிவித்த ஜனாதிபதி திசாநாயக்க, அவரது தலைமைத்துவத்தைப் பாராட்டியதுடன், பிரேசிலில் தொடர்ந்து முன்னேற்றம் காண ஆதரவையும் தெரிவித்தார்.
“மீண்டும் முன்னேற்றப் பயணத்தை வழிநடத்தியதற்கு வாழ்த்துக்கள், தோழரே!” என்றும் அவர் கூறினார்.
