இரத்தமலானையில் மெலிபன் சந்திக்கு அருகிலும், கல்கிசையில் உள்ள “நிசல செவன” மயானத்திற்கு அருகிலும் இன்று (25) கருப்பு பவளத்தை (Black Coral) சட்டவிரோதமாக வைத்திருந்த இரண்டு சந்தேக நபர்கள் கைது செய்யப்பட்டனர் என தெரிவிக்கப்படுகிறது.
பெல்லன்விலவில் அமைந்துள்ள கொழும்பு மாவட்ட வனப்பாதுகாப்பு அலுவலகத்தைச் சேர்ந்த விமானப்படை புலனாய்வு அதிகாரிகள் மற்றும் வனவிலங்கு அதிகாரிகள் இணைந்து நடத்திய கூட்டு சோதனையின் போது இந்த கைதுகள் மேற்கொள்ளப்பட்டதாக தெரிவிக்கப்படுகிறது.
இந்த விவகாரம் தொடர்பான மேலதிக விசாரணைகளை பெல்லன்விலவில் உள்ள கொழும்பு மாவட்ட வனவிலங்கு வனப்பாதுகாப்பு அலுவலகம் மேற்கொண்டு வருகிறது.
இதற்கிடையில் சோதனைகள் தொடர்பான விவரங்கள் கல்கிசை நீதவான் நீதிமன்றத்தில் அறிவிக்கப்பட உள்ளதாக வனஜீவராசிகள் பாதுகாப்புத் திணைக்களம் தெரிவித்துள்ளது.
