கடந்த ஒன்பது மாதங்களாக தமக்கான சம்பளம் வழங்கப்படவில்லை எனக் கூறி கொழும்பு துறைமுக நகரில் பணிபுரியும் தொழிலாளர்கள் குழுவொன்று ஆர்ப்பாட்டத்தில் ஈடுபட்டுள்ளனர்.
நேற்று கொழும்பு துறைமுக நகர வளாகத்தில் சுலோக அட்டைகளை ஏந்தியவாறு தொழிலாளர்கள் மௌனப் போராட்டத்தில் ஈடுபட்டனர்.
சீனாவின் போர்ட் ஹார்பர் நிறுவனத்தின் கீழ் உள்ள தாங்கள் பணிபுரியும் நிறுவனம் பல மாதங்களாக தங்களுக்கு ஊதியம் வழங்கவில்லை என்று போராட்டக்காரர்கள் குற்றம் சாட்டினர்.
அவர்கள் போர்ட் ஹார்பரில் இருந்து சீனா ஹார்பருக்கு பழியை நகர்த்துகிறார்கள். இன்றோ நாளையோ பணம் தருகிறோம் என்று சொல்லிக்கொண்டே இருக்கிறார்கள். அவர்கள் 08 முதல் 09 மாதங்களுக்கும் மேலாக எங்களுக்கு சம்பளம் வழங்கவில்லை. எங்கள் ஊழியர்களுக்கு எவ்வாறு ஊதியம் வழங்குவது? நம் குடும்பங்களுக்கு எப்படி உணவளிக்கிறோம்? இந்தப் பிரச்சினைக்கு உடனடித் தீர்வு காண விரும்புகிறோம்” என்று அவர்கள் ஊடகங்களுக்குத் தெரிவித்துள்ளனர்.
கொழும்பு துறைமுக நகரத்தில் பணியாற்றும் பல்வேறு நிறுவனங்களில் பணியாற்றும் 300 தொடக்கம் 400 வரையான ஊழியர்களுக்கு இதுவரை சம்பளம் வழங்கப்படவில்லை என ஆர்ப்பாட்டக்காரர்கள் தெரிவித்துள்ளனர்.
