நாடாளுமன்ற ஓய்வூதியச் சட்டத்தை ரத்து செய்தல் வரைவு மசோதாவை நாடாளுமன்றத்தில் பரிசீலித்து ஒப்புதலுக்காக சமர்ப்பிக்க அமைச்சரவை தனது அனுமதியை வழங்கியுள்ளது.
அமைச்சரவை செய்தித் தொடர்பாளர் தெரிவித்ததன்படி, நாடாளுமன்ற உறுப்பினர்களுக்கான ஓய்வூதியத் திட்டத்தை முழுமையாக ஒழிக்கும் இந்த மசோதாவுக்கு சட்டமா அதிபரின் அனுமதி கிடைத்துள்ளது.
இதனை அரசாங்க வர்த்தமானியில் வெளியிடவும், பின்னர் பாராளுமன்றத்தில் சமர்ப்பிக்கவும் அமைச்சரவை அங்கீகாரம் அளித்துள்ளது.
முன்னதாக, 2025 ஜூன் 16ஆம் திகதி நடைபெற்ற அமைச்சரவைக் கூட்டத்தில், 1971 ஆம் ஆண்டின் 1 ஆம் எண் நாடாளுமன்ற ஓய்வூதியச் சட்டத்தை ரத்து செய்வதற்கான கொள்கை ரீதியான ஒப்புதல் வழங்கப்பட்டிருந்தது.
