அனுராதபுரம் மாவட்டத்தின் பதவிய பிரதேசத்தில் வெடிபொருட்களுக்கு பயன்படுத்தப்படும் பொருட்களை கொண்டு சென்ற குற்றச்சாட்டில் இரண்டு சந்தேகநபர்கள் நேற்று கைது செய்யப்பட்டுள்ளனர்.
பொலிஸாருக்கு கிடைத்த இரகசிய தகவலையடுத்து காரை சோதனையிட்டதை அடுத்து சந்தேகநபர்கள் கைது செய்யப்பட்டதாக பொலிஸார் தெரிவித்துள்ளனர்.
சோதனையின் போது, சந்தேகநபர்களின் காரில் இருந்து 75 கிலோ கன்பவுடர், 300 டெட்டனேட்டர் ஊசிகள், 90 ஜெலிக்னைட் ஊசிகள் மற்றும் பிற உபகரணங்களை போலீசார் கண்டுபிடித்தனர்.
கைது செய்யப்பட்ட சந்தேகநபர்கள் 28 மற்றும் 38 வயதுடைய மாபலடிகுளம் பிரதேசத்தை சேர்ந்தவர்கள்.
இது தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்.
