“அழகான நாடு – மகிழ்ச்சியான மக்கள்” என்ற தொலைநோக்குடன், அரசாங்கத்தால் செயல்படுத்தப்படும் தூய்மையான இலங்கை திட்டத்தின் கீழ், தேசிய தூய்மை வாரம் – 2025 டிசம்பர் 9 ஆம் திகதி வரவிருக்கும் சர்வதேச ஊழல் எதிர்ப்பு தினத்தை அடிப்படையாகக் கொண்டு முன்னெடுக்கப்படுகிறது.
இந்த வாரத்தின் மூலம், சட்டங்களை கடைபிடிப்பதற்கான ஊக்கத்துடன், நேர்மை, ஒழுக்கம் மற்றும் சமூகத் தூய்மையை நிலைநாட்டி, குடிமக்களின் தார்மீக நல்வாழ்வு மேம்படுத்தப்படும் என அறிவிக்கப்பட்டுள்ளது.
நேற்றைய தினம் (12.11), ஜனாதிபதி செயலகத்தில், ஜனாதிபதியின் செயலாளர் கலாநிதி நந்திக சனத் குமநாயக்க தலைமையில் நடைபெற்ற சிறப்பு கலந்துரையாடலில்,
தேசிய ஒருமைப்பாடு வாரத்துடன் இணைந்து எதிர்காலத்தில் நிலையான திட்டங்களை உருவாக்குதல்,
ஊழல் ஒழிப்பு ஆணையத்துடன் இணைந்து அமைச்சுகளுக்கு பொறுப்புகளை ஒதுக்குதல்,
சமூக முன்னேற்றம் மற்றும் சுற்றுச்சூழல் பாதுகாப்பில் ஒருமைப்பாட்டை தேசிய கலாச்சாரமாக மாற்றுதல் போன்றவைக் குறித்து விவாதம் நடைபெற்றது.
இந்த கலந்துரையாடலில், பொது நிர்வாகம், மாகாண சபைகள், உள்ளூராட்சி, சுகாதாரம், நிதி, கிராமப்புற மேம்பாடு, இளைஞர், கல்வி, தொழில்முனைவோர், வர்த்தகம், ஊழல் விசாரணை போன்ற அமைச்சுகளின் பிரதிநிதிகள் கலந்து கொண்டு, திட்டங்களை ஒழுங்கமைத்தனர்.
