‘லோகு பாட்டி’ என்று அழைக்கப்படும் பிரபல குற்றவாளியின் இரண்டு கூட்டாளிகளை அளுத்கம காவல்துறை கைது செய்துள்ளது.
அவர்களிடம் இருந்து 2.6 மில்லியன் ரூபாய் சட்டவிரோத பணம், ஹெரோயின் ஒரு தொகை, ஒரு மோட்டார் சைக்கிள் மற்றும் இரண்டு மொபைல் போன்கள் பொலிசார் பறிமுதல் செய்துள்ளனர்.
கைது செய்யப்பட்ட நபர்கள் 24 மற்றும் 27 வயதுடைய இரண்டு இளைஞர்கள் என்றும், அவர்கள் உரகஸ்மன்ஹந்திய மற்றும் இந்துருவ பிரதேசங்களைச் சேர்ந்தவர்கள் என்றும் பொலிஸார் தெரிவித்துள்ளனர்.
இச் சம்பவம் தொடர்பில் பொலிஸார் தெரிவிக்கையில்,
சந்தேக நபர்கள் அளுத்கமவில் நடமாடும் ரோந்து நடவடிக்கையின் போது கைது செய்யப்பட்டனர்.
முதற்கட்ட விசாரணைகளில், சந்தேக நபர்கள் eZ Cash முறையைப் பயன்படுத்தி போதைப்பொருள் கடத்தலில் ஈடுபட்டதாகத் தெரிவிக்கப்படுகிறது.
வங்கி மற்றும் தொலைபேசி பதிவுகளை மதிப்பாய்வு செய்த பிறகு மேலும் விசாரணைகள் மேற்கொள்ளப்படும் என்று அதிகாரிகள் தெரிவித்துள்ளனர்.
