நிறுவனங்களில் இருந்து சமூகமயமாக்கப்படும் மற்றும் திருமணத்தை எதிர்நோக்கும் இளைஞர்களுக்கு ஒரு மில்லியன் ரூபாய் நிதி உதவி வழங்கும் திட்டத்துக்கு அமைச்சரவை அனுமதி அளித்துள்ளது.
2025 ஆம் ஆண்டின் வரவு செலவுத் திட்டத்தில் இதற்காக 1,000 மில்லியன் ரூபாய் ஒதுக்கப்பட்டுள்ளது. இந்த உதவியால், இளைஞர்கள் நிரந்தரமும் பாதுகாப்பானதும் ஆன வீடுகளை கட்டம் கட்டமாக கட்டியெழுப்ப இயலும்.
இந்தத் திட்டம், மகளிர் மற்றும் சிறுவர் விவகாரம் அமைச்சின் தலைமையில், நன்னடத்தை மற்றும் சிறுவர் பராமரிப்பு சேவைகள் திணைக்களம், மாகாண மற்றும் மாவட்ட துறைகள், பிரதேச செயலாளர்கள் ஆகியோரின் பங்குபற்றுதலுடன் முன்னெடுக்கப்பட உள்ளது.
அதன்படி, பின்வரும் குழுக்களைச் சேர்ந்த இளைஞர்களுக்கு நிதி உதவி வழங்கப்பட உள்ளது:
- கடந்த 10 ஆண்டுகளில் (30.06.2015க்குப் பிறகு) 18 வயதை எட்டிய பின் நிறுவன பராமரிப்பிலிருந்து வெளியேறிய, நிலையான வீடு இல்லாத, திருமணமான அல்லது திருமணம் செய்ய விரும்பும் இளம் பெண்கள் மற்றும் இளைஞர்கள்.
- 18 வயதுக்கு மேற்பட்ட, குறிப்பாக பெண்கள், சரியான குடும்ப பின்னணி அல்லது வாழ்வாதாரம் இல்லாததால் இன்னும் சிறுவர் மேம்பாட்டு மையங்களில் தங்கியிருப்பவர்கள்.
