இந்த ஆண்டுக்கான தரம் 05 புலமைப்பரிசில் பரீட்சையின் முதல் தாளில் உள்ள மூன்று வினாக்களும் முன் கூட்டியே பகிரப்பட்டதால் அவ் மூன்று வினாக்களுக்கும் அனைத்து மாணவர்களுக்கும் முழு மதிப்பெண் வழங்குவதற்கு நிபுணர்கள் குழுவின் பரிந்துரையின் படி தீர்மானம் எடுக்கப்பட்டுள்ளதாக கல்வி அமைச்சு தெரிவித்துள்ளது.

பரீட்சையை மீண்டும் நடத்துவது ஏற்கனவே பரீட்சையை எதிர்கொண்ட பிள்ளைகளின் மனநலத்தைப் பெரிதும் பாதிக்கும் என நிபுணர் குழு குறிப்பிட்டுள்ளது.

அனைத்து குழந்தைகளுக்கும் நீதி வழங்குவது அவசியம் என்றும் முன் கூட்டியே பகிரப்பட்டதாகக் கூறப்படும் முதல் தாளில் உள்ள மூன்று கேள்விகளுக்கு அனைத்து மாணவர்களுக்கும் முழு மதிப்பெண்கள் வழங்குவதே சிறந்த தீர்வாகும் என அவர்கள் வலியுறுத்தியுள்ளனர்.

பரீட்சையை இடைநிறுத்துவது ஆசிரியர்கள், பெற்றோர்கள் மற்றும் முழுப் பள்ளி அமைப்புக்கும் கணிசமான மன அழுத்தத்தை ஏற்படுத்தக்கூடும் என்றும் குழு குறிப்பிட்டுள்ளது.

இந்த வருடத்தின் தரம் 5 புலமைப்பரிசில் பரீட்சையை மீண்டும் நடத்த வேண்டுமா இல்லையா என்பதை தீர்மானிக்க கல்வி அமைச்சு ஏழு பேர் கொண்ட குழுவொன்றை நியமித்திருந்தது.

பிரதமர் கலாநிதி ஹரிணி அமரசூரியவின் ஆலோசனைக்கு அமைய இந்த தீர்மானம் எடுக்கப்பட்டதாக அமைச்சின் செயலாளர் திலகா ஜயசுந்தர தெரிவித்திருந்தார்.

 

LEAVE A REPLY

Please enter your comment!
Please enter your name here