தொலைத்தொடர்பு கோபுரத்திலிருந்து கீழே வீழ்ந்து ஒருவர் பலி..!

வவுனியா- மகாறம்பைக்குளம் பகுதியில் தொலைத்தொடர்பு கோபுரத்திலிருந்து கீழே வீழ்ந்து நபர் ஒருவர் உயிரிழந்தார்.

குறித்த சம்பவம் நேற்று (02/02/2025) பதிவாகியுள்ளது.

அநுராதபுரம் – நிக்கவரெட்டிய பகுதியைச் சேர்ந்த 30 வயதுடைய நபரே சம்பவத்தில் உயிரிழந்ததாகத் தெரிவிக்கப்பட்டுள்ளது.

குறித்த பகுதியிலுள்ள தொலைத்தொடர்பு கோபுரத்தில் ஏறித் திருத்தப்பணிகளை முன்னெடுத்துவந்த ஊழியர் நிலைதடுமாறி கீழே வீழ்ந்துள்ளார்.

இதன்போது படுகாயமடைந்த அவர் வவுனியா வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்ததாக காவல்துறையினர் தெரிவித்துள்ளனர்.

சம்பவம் தொடர்பான மேலதிக விசாரணைகள் வவுனியா காவல்துறையினர் மேற்கொள்ளப்பட்டு வருகின்றது.