பாராளுமன்றத்தில் சபாநாயகர் பொலிஸ் மா அதிபரை நியமிப்பதற்கான தீர்மானம் சரியானது என்றும் நல்லெண்ணத்துடன் மேற்கொள்ளப்பட்டது என்றும் சபைக்கு அறிவித்தார்.
“இது பல வழிகளில் விளக்கப்படலாம், ஆனால் இது மிகவும் விவாதம் மற்றும் பரிசீலனையின் பின்னர் எடுக்கப்பட்ட சரியான முடிவு என்று சபாநாயகர் மஹிந்த யாப்பா அபேவர்தன பாராளுமன்றத்தில் தெரிவித்தார்.
“அரசியலமைப்பு சபை மற்றும் பாராளுமன்ற ஒப்புதலுடன் நியமிக்கப்பட்ட அதிகாரிகளுக்கு தனியான ஏற்பாடுகள் உள்ளன. அத்தகைய அதிகாரி நீக்கப்பட்டால், ஒரு சிறப்பு நடைமுறை பின்பற்றப்பட வேண்டும். இல்லை என்றால் மீண்டும் உச்ச நீதிமன்றத்திற்கு செல்ல வேண்டும். ஜனாதிபதியால் கூட இது தொடர்பில் இப்போது முடிவெடுக்க முடியாது” என சபாநாயகர் தெரிவித்துள்ளார்.
