போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சர் பிமல் ரத்நாயக்க, இலங்கைக்கு விமான சேவைகள் செலுத்த வேண்டிய பில்லியன் கணக்கான ரூபாவை மீளப்பெறுமாறு அதிகாரிகளுக்கு பணிப்புரை விடுத்துள்ளார்.
கட்டுநாயக்கவில் உள்ள பண்டாரநாயக்க சர்வதேச விமான நிலையத்தில் (BIA) நடைபெற்ற சந்திப்பின் போது, உள்நாட்டு விமானப் பயணத்தை தொடங்குதல், புதிய விமான சேவைகளை ஈர்த்தல் மற்றும் விமானப் போக்குவரத்து நிபுணர்களுக்கான பயிற்சியை விரிவுபடுத்துதல் போன்ற திட்டங்கள் குறித்து அமைச்சர் கலந்துரையாடினார்.
2028 ஆம் ஆண்டிற்குள் 12 மில்லியன் விமானப் பயணிகளை இலக்காகக் கொள்ள, அதிகரித்து வரும் சுற்றுலாப் பயணிகளின் வருகைக்கு மத்தியில் விமான நிலைய வசதிகளை மேம்படுத்துவதற்கான அவசரத் தேவையை அமைச்சர் வலியுறுத்தினார்.
