ஐக்கிய தேசியக் கட்சிக்கும் ஐக்கிய மக்கள் சக்திக்கும் இடையிலான தற்போதைய பேச்சுவார்த்தைகளின் ஒரு பகுதியாக இன்று (28) மற்றுமொரு கலந்துரையாடல் இடம்பெறவுள்ளது.
இந்தக் கலந்துரையாடல் இன்றிரவு நடைபெற திட்டமிடப்பட்டிருந்தாலும், இரு தரப்பினரும் இன்னும் கலந்துரையாடல் நடைபெறும் இடத்தை அறிவிக்கவில்லை.
எதிர்வரும் உள்ளூராட்சி மன்றத் தேர்தலில் ஐக்கிய தேசியக் கட்சியும் ஐக்கிய மக்கள் சக்தியும் இணைந்து போட்டியிட வேண்டும் என்ற விவாதம் எழுந்ததைத் தொடர்ந்து, இரு கட்சிகளுடனும் இந்தக் கலந்துரையாடல்கள் ஆரம்பிக்கப்பட்டுள்ளன.
அதன்படி, இன்று மூன்றாம் சுற்று பேச்சுவார்த்தை நடைபெற உள்ளது.
முந்தைய கலந்துரையாடல்களின் போது முன்மொழியப்பட்ட முடிவுகள் இரு கட்சிகளின் தலைவர்களுடனும் விவாதிக்கப்படும் என்றும், அவர்களின் கருத்துக்கள் இன்றைய கலந்துரையாடலில் பரிசீலிக்கப்படும் என்றும் தெரிவிக்கப்பட்டுள்ளது.
