சர்வதேச வர்த்தக உச்சி மாநாடுகள் மற்றும் பாரிய அளவிலான நிகழ்வுகளை நடத்தும் இலங்கையின் திறனை மேம்படுத்தும் நோக்கில், கொழும்பு துறைமுக நகரத்தில் அதிநவீன கண்காட்சி மற்றும் மாநாட்டு மையத்தை சீனா நிர்மாணிப்பதாக ஜனாதிபதி அனுரகுமார அறிவித்துள்ளார்.
முழுக்க முழுக்க சீனாவால் நிதியளிக்கப்பட்ட இந்த புதிய வசதி, அளவு மற்றும் செயல்பாட்டில் பண்டாரநாயக்கா நினைவு சர்வதேச மாநாட்டு மண்டபத்தை (BMICH) மிஞ்சும் என தெரிவிக்கப்படுகிறது.
“இந்த மாநாட்டு மையம் கொழும்பு துறைமுக நகரத்தை உலகளாவிய மாநாடுகள் மற்றும் கண்காட்சிகளின் மையமாக நிலைநிறுத்துவதுடன், சர்வதேச வர்த்தகம் மற்றும் இராஜதந்திரத்தில் நமது பங்கை வலுப்படுத்தும்” என்று ஜனாதிபதி கூறினார்.
சீனா தனது சமீபத்திய விஜயத்தின் போது இலங்கைக்கு 500 மில்லியன் யுவான் (சுமார் ரூ. 20 பில்லியன்) நன்கொடையாக வழங்குவதாக உறுதியளித்ததாகவும் ஜனாதிபதி திஸாநாயக்க தெரிவித்தார்.
கிராமப்புற வறுமையை ஒழிப்பதற்கும் பொதுச் சேவைகளை மேம்படுத்துவதற்கும் திருப்பிச் செலுத்தப்படாத நிதி பயன்படுத்தப்படும் என்றும் ஜனாதிபதி மேலும் தெரிவித்தார்.
