தரம் 05 புலமைப்பரிசில் பரீட்சையின் பெறுபேறுகளை வழங்குவதற்கு பரீட்சை திணைக்களத்தின் தீர்மானத்திற்கு எதிர்ப்புத் தெரிவித்து, பரீட்சைக்கு முன்னர் வினாத்தாள் கசிந்ததன் காரணமாக தாள் ஒன்றில் முதல் மூன்று வினாக்களுக்கான புள்ளிகளுக்கு விலக்கு அளித்து பெற்றோர்கள் குழுவொன்று போராட்டத்தில் ஈடுபட்டுள்ளது.
பரீட்சையை இரத்துச் செய்யுமாறு வலியுறுத்தி இன்று பரீட்சை திணைக்களத்திற்கு முன்பாக பெற்றோர்களால் போராட்டம் முன்னெடுக்கப்பட்டுள்ளது.
இது தொடர்பான எழுத்துப்பூர்வ மனுவை அதிகாரிகளிடம் கையளிப்பதற்கு பெற்றோர்கள் குழுவொன்றை பரீட்சை திணைக்களம் அனுமதித்திருந்தது. போராட்டத்தை கருத்தில் கொண்டு போலீசார் மற்றும் கலவர தடுப்பு பிரிவு அதிகாரிகள் வரவழைக்கப்பட்டுள்ளனர்.
ஊடகங்களுக்கு கருத்து தெரிவித்த பெற்றோர், பரீட்சைகள் ஆணையாளர் நாயகம் இந்த விடயத்தை இலகுவாக எடுத்துக்கொண்டதாகவும், எனவே பதவி விலக வேண்டும் எனவும் கூறியுள்ளனர்.
எனினும் புலமைப்பரிசில் பரீட்சையின் முதலாம் தாளில் உள்ள சில வினாக்களை ஒத்த வினாக்களுடன் கூடிய பயிற்சிப் பத்திரம் பரீட்சைக்கு முன்னதாக அலவ்வ பிரதேசத்தில் உள்ள டியூஷன் ஆசிரியர் ஒருவரால் பரப்பப்பட்டது.
இது தொடர்பாக பல்வேறு தரப்பினரும் முறைப்பாடு செய்ததையடுத்து பரீட்சைகள் திணைக்களம் விசாரணைகளை ஆரம்பித்துள்ளது.
இதன்படி, வினாத்தாள் தயாரித்த நிபுணர்கள் குழுவின் இணக்கப்பாட்டுடன், உரிய 03 வினாக்களை நீக்கி இறுதி புள்ளிகளை வழங்க பரீட்சை திணைக்களம் நேற்று தீர்மானித்துள்ளது.
