இறக்குமதி செய்யப்படும் அரிசிக்கான அதிகபட்ச சில்லறை விலையை நிர்ணயிக்கும் முடிவை நுகர்வோர் விவகார அதிகாரசபை எடுத்துள்ளது. இந்த முடிவை அதிகாரசபையின் தலைவரின் கையொப்பத்துடன் வெளியிடப்பட்டுள்ள வர்த்தமானி அறிவிப்பின் மூலம் அதிகாரப்பூர்வமாக அறிவித்துள்ளது.
இந்த விலை திருத்தங்கள் நேற்று (அக்டோபர் 21) முதல் அமுலுக்கு வந்துள்ளன.
அதன்படி, இறக்குமதி செய்யப்படும் ஒரு கிலோகிராம் பச்சை அரிசியின் அதிகபட்ச சில்லறை விலை ரூ.210 ஆகவும், நாட்டு அரிசிக்கு ரூ.220 ஆகவும் நிர்ணயிக்கப்பட்டுள்ளது.
மேலும், இறக்குமதி செய்யப்படும் சம்பா அரிசியின் ஒரு கிலோகிராமுக்கான அதிகபட்ச சில்லறை விலை ரூ.230, பொன்னி சம்பாவிற்கு ரூ.240, மற்றும் கீரி பொன்னி சம்பா அரிசிக்கு ரூ.255 என நிர்ணயிக்கப்பட்டுள்ளது.
நுகர்வோர் பாதுகாப்பு மற்றும் நியாயமான விலைகளில் அத்தியாவசிய உணவுப் பொருட்கள் கிடைக்கச் செய்வதற்காகவே இந்த நடவடிக்கை எடுக்கப்பட்டுள்ளதாக நுகர்வோர் விவகார அதிகாரசபை தெரிவித்துள்ளது.
